nekaderio

Datorren maiatzaren 7an (Erdi Mailak) eta 8an (Goi Mailak) urtero legez antolatzen ditugun Ate Irekien Jardunaldia gauzatuko dugu. Horretarako, aurretik izena eman beharko duzu gure eskolara deituz (94-4541421) edo erosoago bazaizu, zure mugikorrarekin aldameneko QR kodean aurkituko duzun formularioa beteaz .

Lanbiderekin batera elkarlanean urtero antolatzen dugun Loradendetako Jarduera Osagarriak ikastaroko ikaslegoa MªJesusekin ikasitako lehenengo emaitzak ikusten ari gara jada. Ikastaroa oraindik hilabete pare batez luzatuko delarik, egindako lanen emaitzak gure fototekan ikusgai jarriko ditugu.

Paisagintza eta Nekazaritza Ekoizpen Ekologikoko ikasleek elkarlanean, eskolako fruitu txikien landaketa berria prestatuta utzi dute. Mugurdi eta masusta barietate anitzak landatzearekin batera, tutoratze azpiegitura guztia berritu dute. Emaitza, gure fototekako bilduma honetan ikusi dezakezue:

Gure eskolaraino gerturatzea sarritan deserosoa denik ez dago ukatzerik: Garraio publikoaren gabeziek eta trafiko pribatuaren gorakadek zaildu egiten digute sarritan gure ikastetxera eta lantokira gerturatzera. Arazo honi irtenbidea emateko asmoz, EAEko Parke Teknologikoen sareak Parke Carpool app berria jarri du gure eskura. Aplikazioa erabiltzeko, Bizkaiko Parke Teknologikoko erabiltzaileek soilik erabili dezakete eta hori egiaztatzeko, gure […]

Eskolako digitalizazio proiektuetan lagungarri izateko asmoz, aterpeko eraikinaren 3. solairuan gela eroso eta egokia prestatzen amaitu berri dugu. Gela honetan ezarri dugun lehenengo baliabidea Basogintza zikloetan erabiliko dugun #JohnDeere simuladorea izan da. Horretarako, Usurbilgo Guifor Maquinaria Forestalen laguntza izan dugu. Simuladorearen azken helburua, Basogintza ziklo guztietako ikaslegoa baso lanetako eskarmentua bertan trebatzea izango da.

Gaurko egunez, gure eskolako etorkizuneko ikasleak Zamudioko herriko ikastetxetik etorri zaizkigun bisitan. Aizkorri Aranbururen eskutik gure eskolako lorategiak, negutegia, tailerra eta oilategia ezagutzearekin batera, DBH edo Batxilergoa amaitu ondoren Lanbide Heziketa formakuntza aukera eskura dutela erakutsi diegu. Etorriko al zaizkigu!!! Eskerrikasko egindako bisitagatik eta nahi duzuen arte!!

Maiatzaren 15a eskolako jai eguna dela kontuan izan: egun horretan eskola itxita egongo da.